«Ապացույց ունեմ, որ Վալերի Օսիպյանը հանցագործ ա». Սուսաննա Հովհաննիսյան

 

«Օսիպյանը հանցագործ է: Վարչապետը ինքը գիտի, որ ես ճիշտ եմ: Վարչապետն ինձ Գլխավոր դատախազության դիմաց տեսավ, ես իրեն մոտեցա, ինքն ասաց. «Ես ամեն ինչից տեղյակ եմ»: Եթե դու ամեն ինչից տեղյակ ես, բերում հանցագործին գեներալի կոչո՞ւմ ես տալիս»,- այսօր Կառվարության դիմաց բողոքում էր Սուսաննա Հովհաննիսյանը, ում որդուն, իր պնդմամբ, ցանկացել են մեղադրել ոստիկանապետ Վալերի Օսիպյանի եղբորորդու կատարած հանցանքի մեջ:

 

Հիշեցնենք, որ 2014 թվականին Նուբարաշենում տեղի էր ունեցել դանակահարություն, որին մասնակից է եղել նաև Օսիպյանի եղբորորդին՝ Սեդրակ Օսիպյանը:

 

«Ինքն ինձ առաջարկեց. «Թող քո որդին վիզ վերցնի, որ ինքն ա արել, ես չհամաձայնեցի: Ինքն ինձանից վրեժ ա լուծում. մեծ որդուս կանչեց տարավ իր վարչական շենքը ու առաջարկեց, որ եղբորը համոզի, որ վիզ վերցնի, տղես չի համաձայնել, հետո ուզեցել ա մեծ տղիս գլխին սարքի. իր մորքուրի տղաների, ընկերների միջոցով մեծ տղիս խառնել, տարել են ուրիշ հիվանդասենյակ, որտեղ գործով տուժողը չի չի եղել պառկած: Հետո տղես լսել ա, որ էդ մարդկանցից մեկն ասել ա. «Սխալ հիվանդասենյակ ենք տարել, Վալեր, չկպավ: Ես իմ արդարության համար եմ էստեղ»,- ասում է Սուսաննա Հովհաննիսյանը:

 

Կինը ցանկանում էր հանդիպել ՀՀ վարչապետ Նիկոլ Փաշինյանին, սակայն իր խոսքով, իրեն չեն ընդունել:

«Ես ապացույցները տվել եմ վարչապետին, ԱԱԾ-ին, ՔԿ-ին, Գլխավոր դատախազությանը: Բոլորն էլ ունեն իմ տված բոլոր ապացույցները: Բոլորը գիտեն՝ ես ինչքան ապացույց ունեմ, որ Վալերի Օսիպյանը հանցագործ է»,-ասում է նա:

https://mamul.am/am/news/154994

Be the first to comment on "«Ապացույց ունեմ, որ Վալերի Օսիպյանը հանցագործ ա». Սուսաննա Հովհաննիսյան"

Leave a comment

Your email address will not be published.


*