Բերդում նախատեսվում է ստեղծել զինվորական հոսպիտալ

 

Կառավարությունը կքննարկի ՀՀ պաշտպանության նախարարության «Բերդի զինվորական հոսպիտալ» պետական հիմնարկ՝ հոսպիտալ ստեղծելու հարցը։

Այդ մասին որոշման նախագիծն ընդգրկված է կառավարության ապրիլի 18-ի նիստի օրակարգում:

 

 

Նշվում է, որ հոսպիտալը պետք է իրականացնի մասնագիտացված բժշկական օգնություն, ինչն իրենից ներկայացնում է ախտորոշման և բուժման հատուկ մեթոդների ու բարդ բժշկական տեխնոլոգիաների վրա հիմնված բժշկական օգնության և սպասարկման տեսակ, որը նախատեսում է բժշկական միջոցառումների համալիր կիրառում` ախտորոշում, բուժում, անմիջական բժշկական հսկողություն, ինչպես նաև ռազմաբժշկական փորձաքննություն:

 

Ակնկալվում է, որ հոսպիտալի ստեղծմամբ կաահովվի հիվանդանոցային արդյունավետ բուժման համար անհրաժեշտ միջոցների ամբողջ ծավալը՝ հիվանդին հիվանդասենյակով ապահովումը, մասնագիտացված կոնսուլտացիաները, լաբորատոր-գործիքային ախտորոշիչ հետազոտությունների անցկացումը, վիրահատությունները, վիրահատական և ֆիքսող միջոցները, բուժական միջամտությունները, անհրաժեշտ դեղերով ապահովումը, թթվածնի և այլ գազերի օգտագործումը, ֆիզիոթերապիան, բուժական մարմնամարզությունը, հիվանդի խնամքի ապահովումը միջին և կրտսեր բուժանձնակազմի կողմից, այլ անհրաժեշտ բժշկական, հարբժշկական ծառայությունները, ինչպես նաև հիվանդների սննդով պարտադիր ապահովումը:

 

Հոսպիտալի կլինիկական բազայի վրա կիրականացվեն նաև բարձրագույն և հետբուհական կրթութ­յան ծրագ­­­րեր, ինչպես նաև իրականացնել կատարելագործման ծրագրեր։

http://www.armtimes.com/hy/article/159336

Be the first to comment on "Բերդում նախատեսվում է ստեղծել զինվորական հոսպիտալ"

Leave a comment

Your email address will not be published.


*