fbpx

Լևոն Հայրապետյանի հարազատները կասկածներ ունեն, որ նրան բանտում թունավորել են. «Կոմերսանտ»

 

«Կոմերսանտ»-ին հայտնի է դարձել, որ Ռուսաստանի քննչական կոմիտեն վերանայելու է գործարար և բարերար Լևոն Հայրապետյանի՝ 2017-ին Մորդովյան ՔԿՀ-ում մահվան հանգամանքները: Նշվում է, որ ժամանակին նրա հարազատներին թույլ չեն տվել քրեական գործ հարուցել, սակայն պաշտպանությունը, բողոքարկելով համապատասխան որոշումը, հասավ դրա չեղարկմանը: Այժմ փաստաբանները հուսով են, որ հետաքննությունը կպարզի Հայրապետյանի թունավորման հանգամանքները, որի մասին իր եղբորը տեղեկացրել են գործարարի մահվան նախօրեին: Այսպիսով, Լևոն Հայրապետյանի հարազատները կասկածներ ունեն, որ Հայրապետյանին թունավորել ու սպանել են:

 

«Մահացածի եղբայրը չէր շտապում հայտնել սպանության մասին: Սկզբում նա նամակ գրեց գաղութին՝ փորձելով պարզել մահվան իրական պատճառը, սակայն ստացվեցին միայն պաշտոնական պատասխաններ»,- ասել է փաստաբանը: Լևոն Հայրապետյանի եղբայրը մայիսին դիմել է Մորդովիայի Հանրապետության քննչական բաժին` պահանջելով, որ Լևոն Հայրապետյանի մահվան գործով քրեական գործ հարուցվի, ինչը 2018թ. հունիսին մերժվել է:

Այն ժամանակ հարազատները դիմել են փաստաբան Կարեն Ներսեսյանին, որպեսզի վերջինը բողոքարկի դատախազությանը: Բացի Լևոն Հայրապետյանի եղբոր գրավոր բողոքից, որը հաստատել է թունավորման մասին Հայրապետյանի խոսքը, փաստաբանը, գործարարի հարազատների հետ իրողությունը վերլուծելուց հետո, եկել է եզրահանգման, որ հնարավոր է՝ կան մարդիկ, ովքեր կարող են շահագրգռված լինել դատապարտյալի մահվան մեջ: «Կոմերսանտ»-ը նշում է, որ Հայրապետյանին սպանելու պատճառներ միանշանակ եղել են, քանի որ նա շատ հարուստ էր և ուներ մոտ 1 մլրդ դոլարի կարողություն: Սակայն բանտում հայտնվելուց հետո նրա ակտիվների մեծ մասն անհայտ պայմաններում վաճառվել էր:

 

Հիշեցնենք՝ հայտնի բարերար, գործարար Լևոն Հայրապետյանը դատապարտված էր խարդախության համար և իր պատիժը կրում էր Մորդովիայի թիվ 13 գաղութում: Ինքը` Հայրապետյանը, չէր ընդունել ներկայացված մեղադրանքները:

Ըստ փաստաբանի, դատապարտյալը հայտարարել էր, որ երկար չի ապրի և խնդրել էր հուղարկավորել իրեն առանց դատաբժշկական փորձաքննության:

https://mamul.am/am/news/135054/%D5%AC%D6%87%D5%B8%D5%B6-%D5%B0%D5%A1%D5%B5%D6%80%D5%A1%D5%BA%D5%A5%D5%BF%D5%B5%D5%A1%D5%B6%D5%AB-%D5%B0%D5%A1%D6%80%D5%A1%D5%A6%D5%A1%D5%BF%D5%B6%D5%A5%D6%80%D5%A8-%D5%AF%D5%A1%D5%BD%D5%AF%D5%A1%D5%AE%D5%B6%D5%A5%D6%80-%D5%B8%D6%82%D5%B6%D5%A5%D5%B6-%D5%B8%D6%80-%D5%B6%D6%80%D5%A1%D5%B6-%D5%A2%D5%A1%D5%B6%D5%BF%D5%B8%D6%82%D5%B4-%D5%A9%D5%B8%D6%82%D5%B6%D5%A1%D5%BE%D5%B8%D6%80%D5%A5%D5%AC-%D5%A5%D5%B6-%C2%AB%D5%AF%D5%B8%D5%B4%D5%A5%D6%80%D5%BD%D5%A1%D5%B6%D5%BF%C2%BB

Be the first to comment on "Լևոն Հայրապետյանի հարազատները կասկածներ ունեն, որ նրան բանտում թունավորել են. «Կոմերսանտ»"

Leave a comment

Your email address will not be published.


*


ԴԻՏԵԼ